தமிழ் ஆண்கள் - Tamil Aangal - Tamil Men Fashion Blog

Dopamine, Serotonin, Endorphins, and Oxytocin போன்றன மனிதர்களின் உடலில் சுரக்கும் Happy Hormones ஆகும். இவை உடலில் சுரக்கும் போது தான் நாம் சந்தோஷம், மன நிம்மதி அடைவோம். அத்துடன் இவை சுரப்பதால் தான் நமது உடலில் மன அழுத்தம், பயம் போன்ற உணர்வுகளின் தாக்கம் குறைகிறது. செரோடோனின்: மனநிலையை சரி செய்யும். அத்துடன் தூக்கம், பசி மற்றும் சமூக நடத்தையை ஒழுங்குபடுத்துகிறது. இது "நல்ல உணர்வுக்கான ஹார்மோன்(feel-good hormone)" என்றும் அழைக்கப்படுகிறது. டோபமைன்: பாராட்டுக்கள், பரிசில்கள் வெல்வது, வெகுமதி மற்றும் மகிழ்ச்சியான தருணங்களுடன் தொடர்புடையது. இது "நல்ல உணர்வுக்கான ஹார்மோன்" என்றும் அழைக்கப்படுகிறது.  எண்டோர்பின்கள்: இயற்கையாகவே உடலால் உற்பத்தி செய்யப்படும். இவை மனநிலையை/மன வலிமையை உயர்த்தி உடலில் ஏற்படும் வலியைக் குறைக்கும். இவை சமூகத்தன்மை(Sociability), பாசம் மற்றும் உற்சாக உணர்வுகளையும் ஏற்படுத்தும். ஆக்ஸிடாஸின்: அன்பு, அமைதி உணர்வுகளை ஊக்குவிக்கிறது, மேலும் பயம் மற்றும் பதட்டத்தைக் குறைக்கிறது. இது நல்வாழ்வு மற்றும் மகிழ்ச்சியின் உணர்வுடன் தொடர்புடையது.